ПАРЛУМОН АҲДНОМАРО ТАСДИҚ КАРД

       Душанбе, 29 декабр.(АМИТ «Ховар», Марзия Саидова).- Масъалаи  «Ҳамроҳшавии Ҷумҳурии Тоҷикистон ба Аҳдномаи Созмони умумиҷаҳонии моликияти зеҳнӣ оид ба иҷро ва фонограммаҳо»-ро  29 декабр вакилони Маҷлиси намояндагон дар ҷараёни баргузории иҷлосияи дуюми Маҷлиси намояндагон баррасӣ ва тасдиқ карданд.     Муовини аввали вазири фарҳанги ҷумҳурӣ Миралӣ Достиев масъалаи мазкурро шарҳ дода гуфт, ки яке аз ҳадафҳои асосии  шомил шудани Тоҷикистон ба ин Аҳднома, ҳамроҳ шудани Ҷумҳурии Тоҷикистон ба Созмони байналмилалии тиҷорат мебошад.       Аҳдномаи мазкур пешгирии истифодаи ғайриқонунии асар, видеою фонограммаҳо тавассути шабакаи иттилоотии Интернет ва ҳифзи ҳуқуқҳои муаллифон, иҷрогарон ва истеҳсолкунандагони фонограммаҳоро ба танзим медарорад. Ҳамзамон, Аҳднома ҳимояи манфиатҳои истеҳсолгарон ва иҷрогарони фонограммаҳоро ҳангоми истифодаи онҳо дар шакли рақамӣ ҳифз менамояд.