ПЕШГИРИИ БЕМОРИИ МАСУНИЯТИ НОРАСОИИ БАДАН

Душанбе, 6 декабр. (АМИТ «Ховар», Дилшодаи Ҷонмард).-Имрӯз дар Вазорати меҳнат ва ҳифзи иҷтимоии аҳолии Ҷумҳурии Тоҷикистон мизи мудаввар дар мавзӯи «Тартиби таъин ва пардохти кӯмакпулии давлатӣ ба кӯдакони то синни 16 сола, ки мубталои вируси масунияти одам ва бемории  норасоии  масунияти бадан  (БНММ) мебошанд» баргузор гардид.    Дар  нишаст муовинони Вазири меҳнат ва ҳифзи иҷтимоии аҳолии Ҷумҳурии Тоҷикистон Л. Шарипова,  Т.Табаров ва сардори Раёсати ҳифзи иҷтимоии Вазорати меҳнат ва ҳифзи иҷтимои аҳолии Ҷумҳурии Тоҷикистон  суханронӣ намуданд.    Зимни нишаст, ҳамчунин зикр гардид, ки Ҳукумати Ҷумҳурии Тоҷикистон ва вазорати меҳнат ва ҳифзи иҷтимоӣ баҳри дастгирӣ ва пардохти кӯмакпулӣ ба шахсони гирифтори бемории масъунияти бадан тамоми тадбирҳоро меандешанд.    Ҳамчунин, баҳри пешгирии ин беморӣ гузаронидани тренингу машғулиятҳо дар назар аст.