СЕМИНАРИ ЗАМИН ДАР ВАҲДАТ

Ваҳдат, 27 декабр.(АМИТ «Ховар», З.Давлатова).–Дар  маҷлисгоҳи  Қасри фарҳанги  шаҳри  Ваҳдат бо  иштироки  муовини  Сарвазири  Ҳукумати  Ҷумҳурии  Тоҷикистон Муродалӣ Алимардонов  оид ба  амалӣ  намудани  қарори  ҲҶТ «Дар  бораи  гирифтан  ва  ба мақомоти  иҷроияи  маҳаллии ҳокимияти  давлатии  шаҳру  ноҳияҳо додани  қитъаҳои  замин»   семинар – машварат доир  гардид. Дар  семинар – машварат  раисони  шаҳру ноҳияҳо,  раисони кумитаҳои  заминсозӣ,  муовинони  раисон  ва  раисони  ҷамоатҳои деҳот  иштирок  намуданд. Ба  иштирокдорони  семинар – машварат    оид ба тақсимоти  замин дар  ҷойҳои бехавф,  тарҳрезии  нақшаи  генералӣ  дар  бораи  маҳалҳои  аҳолинишин,  мувофиқи нақша  сохтани  биноҳо дар  манотиқи  аҳолинишин, интихоби дуруст ва мувофиқи  лоиҳа     сохтани  бино маслиҳатҳои  муфид дода шуд. Муовини  Сарвазири  Ҷумҳурии  Тоҷикистон  Муродалӣ  Алимардонов   оид ба  сохтмони  бисёр  хонаҳои деҳоти    ноҳияҳои  тобеи марказ эрод  гирифт.  Мавсуф  афзуд, ки  шаҳри  Ваҳдат  ҷиҳати  таҳияи  лоиҳаҳои  сохтмони  биноҳои  маъмурию истиқоматӣ  нисбат ба  дигар  шаҳру  ноҳияҳо  бартарӣ  дорад.