ШАКЛИ НАВИ МУБОРИЗА БО ФАСОД

   Душанбе, 17 декабр. (АМИТ «Ховар», Лаззат Диловарзод).- Бино ба мълумоти Агентии назорати давлатии молявӣ ва мубориза бо коррупсия, ин ниҳод дар давоми 4 соли фаъолияти худ беш аз 3 ҳазор ҷинояти коррупсиониро   ошкор намудааст, ки 470 — тои он ба порагирӣ алоқаманд аст.    Агентӣ дар давоми 4 сол      тавассути ҳамаи шӯъбаҳои дар шаҳру навоҳии ҷумҳурӣ доштаи худ  дар   корхонаю идора ва хоҷагиҳо  3750 санҷиш гузаронида, хисороти ба давлат расидаро ба андозаи 375 млн. сомонӣ ошкор намудааст.    Ба гуфти муовини директори Агентӣ Абдулраҳим Абдулҳасанов, Ҳукумати ҷумҳурӣ мақсад дорад Шӯрои ҷамъиятии мубориза бо коррупсияро таъсис диҳад.    Тибқи оинномаи он, ба  ҳайати Шӯрои ҷамъиятии мубориза бо коррупсия  олимон, рӯзноманигорон, намояндагони ҳизбҳои сиёсӣ, ташкилоти ғайридавлатӣ ва дигар  сохторҳои давлатӣ шомил   мегарданд.