ШИРКАТИ «WAREN TRADE» ДАР ФУРУДГОҲИ ДУШАНБЕ

Душанбе, 27 декабр. (АМИТ «Ховар», Мавзуна Бойева) -Дар доираи ҳамкориҳои иқтисодии Тоҷикистон бо ҷумҳурии Чехия имрўз дар Фурудгоҳи байналмилалии Душанбе бо намояндагони ширкати «Варен Трейд» (Waren Trade)-–и ҷумҳурии Чехия вохурӣ баргузор гардид. Директори генералии фурудгоҳи Душанбе Рустам Холиқов бо намояндагони ширкат масъалаҳои интиқоли бор тариқи нақлиёти ҳавоӣ ва автомобилӣ, роҳҳои густариши ҳамкориҳои мутақобилан судманди ҷонибҳоро мавриди гуфтугў қарор дод, иттилоъ дод, корманди дафтари матбуоти КВД «Фурудгоҳи байналмилали Душанбе» Маҳмадюсуф Шодиев. Намояндаи ширкати «Варен Трейд»  Игор Кадлчик гуфт, агарчи Тоҷикистон дар масофаи дур аз Чехия қарор дорад, аммо кишвари боэътимод аст, бинобар ин мо омодаем  ҳамкориҳои дуҷонибаро ба роҳ монем. Директори шўъбаи Украинии ширкати мазкур Вадим Сорочинский оид ба ҳамкориҳои ширкат бо ҷумҳурии Украина ва кишварҳои Иттиҳоди давлатҳои мустақилро шарҳ дода, аз ҷумла гуфт, интихоб намудани Тоҷикистон барои мо аз он хотир аст, ки дар оянда ҳамчун кишвари транзитӣ истифода мешавад ва мо метавонем тариқи Тоҷикистон ба Афғонистон ва Покистон сарукор гирем. Ширкати ҳамлу нақли бори «Варен Трейд» дар Аврупо таъсис ёфта бо тамоми кишварҳои ғарбу шарқ сару кор дорад. Асосан ҳамлу нақли борҳоро тариқи автомобил ва роҳи оҳан анҷом медиҳад. Дар сурати ба мувофиқа омадани ҷонибҳо ширкати «Варен Трейд» имкони ворид шудани Тоҷикистон ба бозори ҳамлу нақли кишварҳои иттиҳоди Аврупо суръат мебахшад, гуфт намояндаи ширкати «Варен Трейд» Марфин Мличка.