ТӮҲФАҲОИ СОЛИНАВӢ АЗ ДАСТИ ҲАМРОХОН ЗАРИФӢ

Душанбе, 29 декабр. (АМИТ «Ховар», Покиза Маҳмадбекова). –  Дар арафаи  соли нави милодии 2011  Вазири корҳои хориҷии Ҷумҳурии Тоҷикистон Ҳамрохон Зарифӣ ба мактаб-интернати №4 шаҳри Душанбе тўҳфаҳои солинавӣ тақдим намуд.  Ин иқдоми нек бо мақсади иҷрои супориши Президенти Ҷумҳурии Тоҷикистон дар бораи расонидани кӯмакҳои хайрия ба мактаб-интернатҳо, ятимону бепарасторон, собиқадорони ҷангу меҳнат, оилаҳои камбизоат ва оилаҳои аз ду нафар зиёд маъюбдошта амалӣ гардид. Тавре аз Вазорати корҳои хориҷии ҶТ ба мухбири АМИТ «Ховар» иттилоъ доданд, зимни супоридани тӯҳфаҳо Вазири корҳои хориҷии кишвар Ҳамрохон Зарифӣ аз номи Сарвари давлат талабагони мактаб-интернатро бо соли нави 2011  шодбош гуфта, ба онҳо хониши хубу аъло орзу намуд. Сипас Ҳ. Зарифӣ аз хобгоҳи талабагон дидан намуда, бо шароити зисти онҳо шинос шуд.