ТАҒЙИРУ ИЛОВАҲО БА КОДЕКСИ МЕҲНАТ

Душанбе, 27 декабр.(АМИТ «Ховар», Марзия Саидова).-Дар ҷараёни ҷаласаи Шӯрои палатаи поёнии парлумони мамлакат, ки 27 декабр таҳти раёсати Раиси Маҷлиси намояндагон Шукурҷон Зуҳуров доир гардид, масъалаи ҳамроҳшавии  Ҷумҳурии Тоҷикистон ба Аҳдномаи Созмони умумиҷаҳонии моликияти  зеҳнӣ оид ба иҷро ва фонограммаҳо баррасӣ гардид.       Тибқи иттилои котиби матбуотии Маҷлиси намояндагон  Муҳаммадато Султонов  дар ҷаласа ҳамчунин, лоиҳаи Қонунҳои Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф», «Оид ба ворид намудани тағйиру иловаҳо ба Кодекси меҳнати Ҷумҳурии Тоҷикистон» муҳокима гардиданд.        Аъзои Шӯро инчунин, нақшаи доир намудани муҳокимаҳои парлумониро дар Маҷлиси намояндагон барои соли 2011 тасдиқ карданд.