ТАҶҲИЗОТИ НАВИ ХАДАМОТИ МАТБУОТИИ ВИЛОЯТИ СУҒД

Душанбе, 6 декабр. (АМИТ «Ховар», Покиза Маҳмадбекова). — Бо дастгирии  Раиси вилояти Суғд Қоҳир Расулзода Хадамоти матбуотии  Раиси вилоят соҳиби  таҷҳизоти зарурии техникӣ, аз ҷумла таҷҳизоти рақамии сабту танзим   гардид. Тавре ба мухбири АМИТ «Ховар» аз Хадамоти матбуотии Раиси вилояти Суғд иттилоъ доданд, маҷмӯи таҷҳизоти  сабту танзими муосир  аз компютери замонавии Intel Core 2, ду адад монитор, дастгоҳи наворбардории  Sony DSR, 100 адад фитаҳои  мини DV 60, 20 адад фитаҳои   DV 184  ва дигар  қисмҳои барои фаъолияти гурӯҳи корӣ зарур иборат мебошад. Ин тадбир барои боз ҳам беҳтар гардидани фаъолияти мутахассисони хадамот ҷиҳати таҳияи гузоришҳои фаврӣ аз  фаъолияти кории Раиси  вилоят ва мақомоти иҷроияи  ҳокимияти давлатии вилояти Суғд  мусоидат менамояд.