ТАНҲО ДУ РӮЗ БАРҚ МАҲДУД НАМЕШАВАД

Душанбе, 27  декабр. (АМИТ «Ховар», Кристина Эрлих). —  Ба ифтихори таҷлили Соли нави мелодӣ рӯзҳои 31 декабри соли 2010 ва 1 январи соли 2011 бо супориши Ҳукумати ҶТ аҳолии кишвар бо қувваи барқ бе маҳдудият таъмин мегарданд. Дар ин бора ба хабарнигори АМИТ «Ховар» Нозир Ёдгорӣ сардори маркази матбуоти ШСХК «Барқи Тоҷик»  хабар дод. Тибқи суханони ӯ барои таъмини пурраи аҳолӣ бо барқ дар ин рӯзҳо роҳбарияти «Барқи тоҷик» навбатдории шабонарӯзиро ташкил менамоянд. Баҳром Азимов, муовини аввали раиси ШСХК «Барқи Тоҷик» аз рӯзи 31 декабри соли 2010 то соати 8. 00 субҳи 1 январи соли 2011 навбатдорӣ менамояд. Телефонҳои тамос 235-86-30, 295-259, 93-817-12-12.  Абдулло Қурбонов, муовини раиси  ШСХК «Барқи Тоҷик» аз соати 8.00 субҳи 1 январ то 00.00 шаби 2 январи соли 2011 навбатдорӣ менамояд. Телефонҳо барои тамос: 235-86-78, 295-659, 93-817-13-13.   Сардори Шабакаҳои барқии шаҳри Душанбе Саид Атоев аз 31 декабри соли 2010 то 1 январи соли 2011 дар ҷойи кории худ қарор мегирад. Телефонҳо барои тамос: 221-86-89, 93-817-14-14.   Ёдовар мешавем, ки дар ин рӯзҳо кормандон ва телефонҳои навбатдори ШСХК «Барқи Тоҷик» шабонарӯзӣ фаъолият менамоянд. Телефонҳо барои тамос: 37-883-55-11, 37-883-55-22, 295-480.