ВАКОЛАТИ ВАКИЛОН ДАР РУШДИ БАРНОМАҲОИ ИҚТИСОДИИ МАҲАЛ
Душанбе, 17 декабр.(АМИТ «Ховар», Марзия Саидова).-Аъзои Маҷлиси миллии Маҷлиси Олии Ҷумҳурии Тоҷикистон дар иҷлосияи сеюми палатаи болоии парлумони мамлакат се қонуни конститутсиониро ҷонибдорӣ карданд. Инҳо Қонунҳои конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонунҳои конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон», «Дар бораи мақомоти маҳаллии ҳокимияти давлатӣ», «Дар бораи Маҷлиси Олии Ҷумҳурии Тоҷикистон» мебошанд. Қонунҳои конститутсионии Ҷумҳурии Тоҷикистон ҷиҳати татбиқи ислоҳоти судӣ, баланд бардоштани мақоми палатаи поёнии парлумони мамлакат –Маҷлиси намояндагон ва ваколати маҷлисҳои маҳаллии вакилони халқ мусоидат менамояд. Аз ҷумла, Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» ваколати вакилони халқро оид ба таҳияи рушди барномаҳои иқтисодию иҷтимоии маҳал таъмин месозад. Яъне мақомоти маҳаллии ҳокимияти давлатӣ дар маҳалҳо барномаи рушди минбаъдаи иқтисодию иҷтимоии минтақаҳоро бо ҷалби сармояи ватанию хориҷӣ таҳия ва амалӣ мегардонад. Ин имкон медиҳад, мақомоти маҳаллӣ бисёр проблемаҳои маҳалро бидуни дахолати дастгоҳи марказӣ ҳал намоянд. Ҷонибдории қонунҳои конститутсионӣ аз ҷониби аъзои палатаи болоии парлумони мамлакат ҷиҳати таҳкими волоияти қонун, рушди устувори иқтисодиву иҷтимоӣ ва эъмори ҷомеаи шаҳрвандӣ дар кишвар нақши муассир мебозад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






