ВУСЪАТИ БУНЁДИ НБО-И ХУРД ДАР СУҒД
Душанбе, 20 декабр. (АМИТ «Ховар», Бекназари Абӯбакр). — Тибқи Барномаи кӯтоҳмуддати сохтмони нерӯгоҳҳои барқии обии хурд, ки бо қарори Ҳукумати Ҷумҳурии Тоҷикистон аз 2 феврали соли 2009 тасдиқ гардидааст, бояд дар давраи солҳои 2009-2010 дар миқёси вилояти Суғд 25 адад нерӯгоҳҳои барқии хурд сохта шаванд. Соли 2009 бо маблағгузории ватаниву хориҷӣ дар вилоят 14 адад НБО-и хурд сохта ба истифода дода шуданд. Дар назар аст, ки то охири соли шумораи НБО-и хурди баистифода додашуда ба 9 адад рассад. Аз ҷумла, сохтмони нерӯгоҳи барқии обии «Марзич»-и ноҳияи Айнӣ бо иқтидори 4300 кВт ва арзиши пешакии 4,5 млн. доллари ИМА, бо саҳмгузори Бонки исломии рушд соли 2008 оғоз гардидааст. То имрӯз корҳои асосӣ ба маблағи 1,2 млн. доллари ИМА, аз ҷумла корҳои сохтмонӣ ба маблағи 480,6 ҳазор сомонӣ ё 68 фоиз иҷро шудааст. Дар деҳаи Тӯдаи ноҳия Айнӣ НБО-и хурди «Джик» бо иқтидори 260 кВт ва арзиши лоиҳавии 1,44 миллион сомонӣ бо маблағгузории Бонки рушди Осиё ба истеҳсоли нерӯи барқ оғоз намуд. Аз хадамоти матбуоти раиси вилояти Суғд иттилоъ доданд, ки дар маҷмӯъ иқтидори умумии истеҳсоли нерӯи барқ дар вилояти Суғд ба 1,64 МВт расонида шуд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






