ВУСЪАТИ КОРҲО ДАР «ВОСТОКРЕДМЕТ»
Душанбе, 27 декабр. (АМИТ «Ховар», Мавзуна Бойева).- Дар соли 2010 Корхонаи давлатии «Востокредмет» ба маблағи 10 миллиону 550 ҳазор сомонӣ маҳсулот истеҳсол намудааст, ки нисбат ба ҳамин давраи соли гузашта 1 миллиону 249 ҳазор сомонӣ зиёд мебошад. Ҳаҷми афзоиш 113,4 фоизро ташкил медиҳад. Тибқи созишномаи рушди ҳамкорӣ миёни Ҷумҳурии Тоҷикистон ва Федератсияи Русия дар заминаи иқтидорҳои истеҳсолии коргоҳи «Хуҷанд-Зил»-и корхонаи мазкур дар якҷоягӣ бо ширкати «Амур»-и вилояти Свердловски Федератсияи Русия маркази техникӣ барои ба роҳ мондани ҷамъу васли автомашинаҳо дар базаи автомашинаҳои «ЗИЛ» ва «УРАЛ» ташкил гардид. Дар корхона ҷамъу васли автомашинаҳои калони таъминоти ҳарбӣ, автомашинаҳои махсуси зиддисӯхторӣ, боркаш ва инчунин автомашинаҳои махсуси коммуналӣ ба роҳ монда шуд. Дар соли 2011 аз ҷониби корхона ҷамъу васли 300 адад автомашинаи гуногунтамға ба нақша гирифта шуда, бо назардошти ҳаҷми фармоиш корхона имкон дорад то 1000 адад чунин автомашинаҳоро дар як сол ҷамъу васл намояд. Талабот ба автомашинаҳо дар кишварҳои ҳамсоя, махсусан дар Ҷумҳурии исломии Афғонистон низ калон мебошад. Дар соли сипаригашта роҳбарияти корхона барои зиёд намудани истеҳсоли маҳсулот, ворид намудани техникаю технологияи муосир тадбирҳои зарурӣ андешиданд. Аз ҷумла, бо ҷалби сармояи дохилию хориҷӣ сехи заргарӣ ба бинои дигар, ки дорои коммуникатсияи лозимӣ мебошад, гузаронида шуда, васлкунии таҷҳизоти нави он идома дорад. Дар ин давра дар корхона 25 адад ҷойи нави корӣ ташкил шудааст. Дар соли сипаригардида корхона қаноатбахш фаъолият намуда, 950 ҳазор сомонӣ фоида ба даст овард.
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
