ЁРИИ БАШАРДӮСТОНА БА ТОҶИКИСТОН

Душанбе, 27 декабр. (АМИТ «Ховар», Лаззат Диловрзод).-  Дар моҳҳои январ — ноябри соли 2010 ба ҷумҳурӣ аз 47 мамлакати хориҷи дуру наздик ба маблағи беш аз 81 млн. доллар ё 283 ҳазору 44 тонна ёрии башардӯстона ворид гардидааст. Аз он ҷумла: 2891 тонна равғани растанӣ (ба маблағи 6 млн. 176 ҳазор доллар), 14 ҳазору 702 тонна орд(ба маблағи 7 млн. 351 ҳазор доллар),  инчунин,  ба маблағи 571 ҳазор доллар гандум, ба маблағи 48 млн.  602 ҳазор доллар доруворӣ, ба маблағи 3 млн. 652 ҳазор доллар либос ва пойафзол, маҳсулоти озуқа, кӯрпаю болишт, дастгоҳҳои тиббӣ, асбобҳои маишии электронӣ, компютерҳо ва қисмҳои эҳтиётӣ ба онҳо ворид карда шудааст.    Аз ҷумлаи мамлакатҳои ёрирасон  таносуби бештар  аз рӯи арзиши ёрии башардӯстона ба ИМА 57, 4 фоиз,   ба Ҷумҳурии Қазоқистон 9 фоиз ва  ФР 3, 8 фоиз рост меояд.