10 ИНШООТИ ҶАШНӢ ДАР МӮЪМИНОБОД

   Мӯъминобод, 27 январ. (АМИТ «Ховар», С. Холов). – Дар ноҳияи Мӯъминобод бахшида ба ҷашни 20 – солагии Истиқлолияти Ҷумҳурии Тоҷикистон сохтмони 10 иншооти ҷашнӣ дар назар аст.   Сафаралӣ Зокиров, раиси ноҳия дар бастагӣ ба ин мавзӯъ гуфт, ки тибқи нақша 1 мактаб барои 320 хонанда дар деҳаи Боғигай, 1 мактаб барои 100 хонанда дар ҷамоати деҳоти Чилдухтарон, бинои маъмурии ҷамоати шаҳраки Ленинград, бинои дандонпизишкӣ ва мағоза, ҳаммом барои 20 ҷой, маркази савдо, нуқтаи фурӯши сӯзишворӣ, қасри варзиш дар маркази ноҳия то рӯзи ҷашн сохта ба истифода дода мешаванд.