ҒОЛИБОНИ МУСОБИҚАИ ВИЛОЯТИ МУАЙЯН ГАШТАНД
Душанбе, 19 январ. (АМИТ «Ховар», Бекназари Абӯбакр). — Тибқи нақшаи кории мақомоти иҷроияи ҳокимияти давлатии вилояти Суғд ва ташаббуси Раёсати ҷавонон, варзиш ва сайёҳӣ, Кумитаи кор бо занон ва оила ва федератсияи тенниси рӯи мизи вилоят дар толори варзишгоҳи «Ҷашнӣ»-и шаҳри Хуҷанд мусобиқаи вилоятӣ байни ҷавондухтарон оид ба тенниси рӯи миз баргузор гардид. Дар он 34 нафар довталаб аз 10 шаҳру ноҳияҳои вилоят иштирок намуданд. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар намуди даставӣ ҷои аввалро варзишгарони шаҳри Хуҷанд, мақоми дуввумро ҷавондухтарони ноҳияи Спитамен ва ҷои сеюмро намояндагони шаҳри Қайроққум ишғол намуданд. Дар намуди шахсӣ ҷои 1-ум насиби варзишгар Нигора Мирзобоева, ҷои 2-ум муносиби Фарзона Қурбонзода (ҳар ду аз шаҳри Хуҷанд) ва ҷои сеюмро Мафтуна Турдибекова (аз ноҳияи Спитамен) ишғол намуд. Ғолибони мусобиқа бо тӯҳфа ва ифтихорномаҳои Раёсати ҷавонон, варзиш ва сайёҳӣ, Кумитаи кор бо занон ва оила, Федератсияи тенниси рӯи мизи вилоят сарфароз гардонида шуданд.
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
