ҒОЛИБОНИ ОЗМУНИ ФАРҲАНГИ АНДОЗСУПОРӢ
Душанбе, 28 январ. (АМИТ «Ховар», Бекназари Абӯбакр). — Дар Раёсати андози вилояти Суғд ҷамъбасти озмун миёни хонандагони мактабҳои миёна, махсус ва олии вилоят оид ба кашидани расм, навиштани иншо ва шеъру мақола дар мавзӯи фарҳанги андозсупорӣ баргузор гардид. Мавриди ёдоварист, ки тибқи қарори раиси вилояти Суғд аз 1 декабри соли 2010 бобати тарбияи фарҳанги андозсупорӣ миёни хонандагони мактабҳои миёна, махсус ва олии вилоят озмун эълон шуда буд. Муовини сардори Раёсати андози вилояти Суғд Валаматшех Маҳмудов доир ба татбиқи амалии қарори раиси вилоят оид ба баргузории машғулиятҳои беруназмактабӣ изҳор дошт, ки дар ин мавзӯъ 154 семинар гузаронида шуд ва 9800 нафар дар он иштирок карданд. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки ҳакамони озмун дар пешниҳоди макет ва кашидани расм амали хонандагон Ҷаъфари Мирзалиро аз шаҳри Истаравшан сазовори ҷои аввал, расми кашидаи Парвиз Эҳсоновро аз шаҳри Хуҷанд ба ҷои дуюм ва амали Беҳрӯз Юлдошевро аз ноҳияи Ашт сазовори ҷои сеюм донистанд. Дар навиштани иншо Фарангис Исроилова аз шаҳри Конибодом, Фарзона Файзиева аз шаҳри Хуҷанд ва Зарнигор Исоева аз ноҳияи Шаҳристон ғолиб дониста шуданд. Ба ғолибон ифтихорнома ва тӯҳфаҳои мақомоти иҷроияи ҳокимияти давлатии вилояти Суғд ва Раёсати андози вилоят супорида шуд.
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
