ҚОНУНЕ, КИ БАЁНГАРИ ТАРБИЯИ КАДРҲОИ ОЯНДА АСТ
Душанбе, 24 январ. (АМИТ «Ховар», Бекназари Абӯбакр). — Имрӯз дар Вазорати рушди иқтисод ва савдо роҳбарият ва кормандони дастгоҳи марказӣ, инчунин, роҳбарони муассисаҳои тобеи вазорат лоиҳаи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд»-ро муҳокима намуданд. Дар вазорати мазкур ба мухбири АМИТ «Ховар» иттилоъ доданд, ки вазири рушди иқтисод ва савдои ҷумҳурӣ Фаррух Ҳамралиев дар бораи зарурати ба муҳокимаи умумихалқӣ пешниҳод намудани қонуни мазкур ва аҳамияти он дар таълиму тарбияи насли наврас ибрози назар намуд. Муовинони вазир, сардорони воҳидҳои сохторӣ ва кормандони вазорат доир ба лоиҳаи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» таклифу пешниҳоди мушаххаси худро оид ба ҷанбаҳои иқтисодии он баён намуданд. Дар ҷаласа зикр гардид, ки ҳадафи асосии ин иқдом тарбияи насли солиму тарбиядида ва ба воя расонидани кадрҳое мебошад, ки ободии ояндаи Тоҷикистони соҳибистиқлол ба дӯши онҳо гузошта мешавад. «Аз ин лиҳоз, кормандони вазорати рушди иқтисод ва савдо чун дигар шаҳрвандони мамлакат дар муҳокимаи лоиҳаи қонун фаъолона ширкат варзида, то имрӯз доир ба такмили лоиҳаи қонуни мазкур ва ворид намудани тағйироту иловаҳо ба он ду маротиба хулосаҳои худро ба таври расмӣ пешниҳод намуданд», — илова намуд сарчашма.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






