ҲАЛНОМАИ СУДИ ОЛИИ ҶУМҲУРӢ НИСБАТ БА «САЛАФИЯ»
Душанбе, 14 январ. (АМИТ «Ховар», Анварбек Сиддиқов).- «Фаъолияти равияи динии «Салафия» бо ҳалномаи Суди Олии Ҷумҳурии Тоҷикистон аз 8 январи соли 2009 манъ карда шудааст. Дар соли 2010 Суди Олии ҷумҳурӣ 1 парвандаро нисбат ба 56 нафар аъзои равияи динии дар боло зикр шуда, ки дар байни мардум ғайриқонунӣ ақидаҳои худро паҳн менамуданд, мавриди баррасӣ қарор дод, ки нисбат ба 33 нафар ҷазои ҷарима ва нисбат ба боқимонда бошад ҷазои маҳрум кардан аз озодӣ ба мӯҳлати аз 4 то 5 сол ҳукм баровард»,- гуфт раиси Суди Олии Ҷумҳурии Тоҷикистон Нусратулло Абдуллоев дар нишасти матбуотӣ, ки 14 январи соли ҷорӣ дар шаҳри Душанбе доир гашт. Инчунин, дар соли 2010 аз ҷониби коллегияҳои Суди Олӣ 330 парвандаи ҷиноӣ нисбат ба 578 шахс, 367 парвандаи гражданӣ, 72 парвандаи оилавӣ ва 112 парвандаи ҳуқуқвайронкунии маъмурӣ дар зинаҳои кассатсионӣ ва назоратӣ мавриди баррасӣ қарор гирифт, иброз намуд раиси Суди Олии Ҷумҳурии Тоҷикистон .








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






