ҲУНАРМАНДОНИ «ЛАҲЗАҲОИ ГУВОРО» СОҲИБИ ХОНА ШУДАНД

         Душанбе, 31 январ.(АМИТ «Ховар», Марзия Саидова).-Чор нафар аз ҳунармандони шинохтаи барномаи телевизионии «Лаҳзаҳои гуворо» — Холмурод Сиддиқов, Насриддин Нуриддинов , Гулбибӣ Абдулҳаева ва  Ҷамшед Ҳалимов  соҳиби хонаҳои чорҳуҷрагӣ гардиданд. Калиди хонаҳоро дар ҷаласаи шаҳрдорӣ Раиси шаҳри Душанбе Маҳмадсаид Убайдуллоев дар маросими тантанавӣ ба ҳунармандон супорид. Бояд зикр кард, ки хонаҳо ба ҳунармандон тибқи иҷрои супоришу дастури Президенти мамлакат Эмомалӣ  Раҳмон тақдим гардиданд.       Тибқи иттилои котиби матбуотии Раиси шаҳри Душанбе Шавкат Саидов,  инчунин ба навозандаи ансамбли «Дарё»-и назди Кумитаи телевизион ва радио Гулбаҳор Шокирова калиди хонаи сеҳуҷрагӣ тақдим гардид.