ҲУШДОР АЗ САФАР БА МИСР

Январь 31, 2011 11:02

Душанбе, 31 январ. (АМИТ «Ховар», Бекназари Абӯбакр). — Раёсати иттилооти Вазорати корҳои хориҷии Ҷумҳурии Тоҷикистон хабар медиҳад, ки вазъияти ҷамъиятӣ-сиёсӣ дар Ҷумҳурии Арабии Миср, хусусан пойтахти он – шаҳри Қоҳира ва дигар шаҳрҳои калон мураккаб боқӣ мемонад. Бинобар ин, Вазорати корҳои хориҷии Тоҷикистон ба Сафорати Ҷумҳурии Тоҷикистон дар Миср супориш додаст, то ба мақсади таъмини амнияти шаҳрвандони Тоҷикистон, ки дар ин кишвар иқомат доранд, чораҳои зарурӣ андешад. Мувофиқи иттилои охирин миёни шаҳрвандони Тоҷикистон, ки дар Миср иқомат доранд ва аксари онҳоро донишҷўён ташкил медиҳанд, касе зарар надидааст. Ҳамзамон, Вазорати корҳои хориҷии Тоҷикистон ба он шаҳрвандони Тоҷикистон, ки ҳоло дар Миср қарор доданд, тавсия медиҳад, ки ба хотири амнияташон дар ҷойҳои зисти худ монда, аз гаштугузор дар шаҳр худдорӣ ва аз ҷойҳои ҷамъшавии одамон канораҷуӣ намоянд. Вазорати корҳои хориҷии Тоҷикистон ҳамчунин ба шаҳрвандони Тоҷикистон тавсия медиҳад, ки аз саёҳат ва дигар намуди сафарҳо ба Миср то ба эътидол омадани вазъият дар ин кишвар худдорӣ кунанд. Дар ин бора ба АМИТ «Ховар» аз Раёсати иттилооти Вазорати корҳои хориҷии Ҷумҳурии Тоҷикистон иттилоъ доданд.

Январь 31, 2011 11:02

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд