ҶОЙГИРКУНИИ БАРНОМАҲОИ КОМПЮТЕРӢ ДАР СИСТЕМАИ АНДОЗ

Январь 24, 2011 15:19

   Душанбе, 21 январ. (АМИТ «Ховар», Дилшодаи Ҷонмард).-Бо мақсади иҷрои дастуру супоришҳое, ки аз мулоқоти Президенти Ҷумҳурии Тоҷикистон бо соҳибкорони ватанӣ (15 январи соли 2010) ва нақшаи чорабиниҳои дахлдор ҷиҳати дар сатҳи замонавӣ ба роҳ мондани маъмурикунонии андозбандӣ ва беҳтар намудани муносибатҳои мақомоти андоз бо соҳибкорон бармеояд, Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси андози Ҷумҳурии Тоҷикистон» қабул гардида, аз январи соли 2011 мавриди амал қарор гирифт.    Тавре аз Кумитаи андози назди Ҳукумати Ҷумҳурии Тоҷикистон ба мухбири АМИТ «Ховар» иттилоъ доданд, мавриди амал қарор гирифтани тағйиру иловаҳои нав барои то як дараҷа дар сатҳи замонавӣ ба роҳ мондани маъмурикунонии андоз, кам кардани шумораи пардохтҳо ва ҳисоботи андоз бе расонидани таъсири манфӣ ба даромадҳои буҷет, ҷорӣ намудани қабули ҳисоботи андоз дар шакли электронӣ, пешгирӣ намудани пинҳонкунии андозҳо аз ҷониби андозсупорандагон, кам кардани хароҷоти андозсупорандагон ҳангоми пешниҳод намудани эъломияҳои андоз мусоидат карда, имтиёзҳои бесамарро кам менамояд.    Мавриди зикр аст, ки Кумитаи андоз дар бораи тасдиқи «Барномаи давлатии рушд ва татбиқи технологияҳои иттилоотию коммуникатсионӣ дар Ҷумҳурии Тоҷикистон» ҷиҳати мукаммал ва пурра дар тамоми мақомоти ҳудудии андоз амалӣ намудани барномаҳои компютерии системаи иттилоотии андоз — «Бақайдгирии андозсупорандагон», «Бақайдгирии андозҳо», «Андоз аз арзиши иловашуда ва пайгирии ҳисобнома-фактураҳо» ва «Равзанаи ягона» як қатор корҳои муҳимро ба анҷом расонид.

Январь 24, 2011 15:19

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд