АФЗОИШИ ДАРОМАДИ БУҶА АЗ ФУРӮШИ АМВОЛИ ДАВЛАТӢ

    Душанбе, 26 январ. (АМИТ «Ховар», Бекназари Абӯбакр). — Ҷиҳати истифодаи самаранок ва идораи мақсадноки амволи давлатӣ дар соли 2010 аз ҳисоби хусусигардонии моликияти ҷумҳуриявӣ 31,1 млн. сомонӣ, иҷораи амволи давлатӣ 4,5 млн. сомонӣ, суди саҳмияҳои давлатӣ 1,05 млн. сомонӣ ва даромадҳои дигар 0,11 млн. сомонӣ, ҷамъ 36,75 млн. сомонӣ маблағ ба буҷети ҷумҳуриявӣ ворид гардидааст, ки ин нисбат ба соли 2009-ум 18,3 млн. сомонӣ ё ин ки ду баробар зиёд мебошад.   Дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба мухбири АМИТ «Ховар» иттилоъ доданд, ки мувофиқи маълумоти расмии оморӣ дар соли ҷорӣ теъдоди шахсони ҳуқуқӣ дар миқёси ҷумҳурӣ 12107 адад ва соҳибкорони инфиродӣ 90461 ададро ташкил дод. Таҳлили нишондиҳандаҳо собит месозад, ки шумораи зиёди соҳибкорон дар ҳудуди шаҳрҳои азим ва минтақаҳои нисбатан рушдёфта фаъолият доранд, аз ҷумла ба шаҳри Душанбе ва вилояти Суғд қариб 50 фоиз соҳибкорони инфиродӣ ва 65 фоиз шахсони ҳуқуқӣ рост меоянд.   Мувофиқи маълумоти расмии оморӣ соли ҷорӣ теъдоди шахсони ҳуқуқӣ дар миқёси ҷумҳурӣ 12107 адад ва соҳибкорони инфиродӣ 90461 ададро ташкил медиҳад. Таҳлили нишондиҳандаҳо собит месозад, ки шумораи зиёди соҳибкорон дар ҳудуди шаҳрҳои азим ва минтақаҳои нисбатан рушдёфта фаъолият доранд. Аз ҷумла, ба шаҳри Душанбе ва вилояти Суғд қариб 50 фоиз соҳибкорони инфиродӣ ва 65 фоиз шахсони ҳуқуқӣ рост меояд.