БА ҚОНУНИ ФАРҲАНГ ТАҒЙИРОТ ВОРИД МЕШАВАД

  Душанбе, 24 январ.(АМИТ «Ховар», Марзия Саидова).-Лоиҳаи Қонунҳои Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҷовидон сохтани хотираи шаҳрвандоне, ки ҳангоми муҳофизати Ватан ҳалок гардидаанд», «Дар бораи мубориза бар зидди қонунигардонии даромадҳои бо роҳи ҷиноят ба дастомада ва маблағгузории терроризм» 24 январ дар ҷаласаи Шӯрои палатаи поёнии парлумони мамлакат, ки таҳти раёсати Раиси Маҷлиси намояндагон Шукурҷон Зуҳуров доир гардид, баррасӣ шуданд.  Аз хадамоти матбуоти Маҷлиси намояндагон ба АМИТ «Ховар» иттилоъ доданд, ки дар ҷаласа, ҳамчунин, лоиҳаи Қонунҳои Ҷумҳурии Тоҷикистон «Дар бораи ворид намудани тағйиру иловаҳо ба Қонуни Ҷумҳурии Тоҷикистон «Дар бораи санадҳои меъёрию ҳуқуқӣ» ва «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи фарҳанг» муҳокима гардиданд.  Зикр шуд, ки ҳадафи ворид намудани тағйиру иловаҳо ба лоиҳаи қонунҳои зикршуда коҳиш додани сатҳи камбизоатӣ дар ҷомеа ва баланд бардоштани сатҳи некӯаҳволии мардум дар кишвар мебошад.