БА ИМЗО РАСОНИДАНИ «ЁДДОШТИ ҲУСНИ ТАФОҲУМ»

    Душанбе, 11 январ (АМИТ «Ховар», Мавзуна Бойева) — Имрӯз дар Вазорати энергетика ва саноати Ҷумҳурии Тоҷикистон ҷамъомад доири ба имзо расонидани «Ёддошти ҳусни тафоҳум» байни Вазорати энергетика ва саноати Ҷумҳурии Тоҷикистон ва Ширкати «Cаnjg energy inc» (Каног энерҷий инкорпарейшен)-и Канадагӣ «Дар соҳаҳои энергетика» баргузор гардид, дар ин бора ба мухбири АМИТ «Ховар» аз дафтари матбуоти вазорати энергетика ва саноати Ҷумҳурии Тоҷикистон иттиллоъ доданд.   Мутобиқи санади макур ширкати «Cаnog energy inc»-и Канада ҳамкориҳоро дар самти сохтмони нерӯгоҳи барқи обии «Нуробод-1» дар дарёи оби Хингоб ва корҳои иктишофии истихроҷи нафту газ, иктишофи конҳои ангиштсанг ва ғайра дар назар дошта шудааст.     Ёддошти ҳусни тафоҳумро аз тарафи Вазорати энергетика ва саноати Ҷумҳурии Тоҷикистон вазир Гул Шералӣ ва аз тарафи Ширкати «Cаnog energy inc» Канада Президенти ширкат Стюарт Сквайерс ба имзо гузоштанд.