БАЛАНДШАВИИ НАРХИ ГАЗ ДАР ҚУРҒОНТЕППА

    Қурғонтеппа, 26 январ. (АМИТ "Ховар", Мурод Сотиев). –Дар Қурғонтеппа нархи гази табиии маҳаллӣ, ки аз кони гази «Қизилтумшуқ», воқеъ дар 30 километрии шаҳр истихроҷ мешуд, баланд гардид.    Тибқи иттилои роҳбари Корхонаи фаръии байниноҳиявии «Қурғонтеппагаз» Маҳмудҷон Хоркашев дар асоси мактуби Корхонаи воҳиди давлатии «Тоҷикнефтгаз ва ангишт» нархи газ қариб 50 фоиз боло рафт. Пеш аз ин ҳар як хоҷагӣ барои ҳазор метри кубӣ газ 295 сомонӣ пардохт менамуд.       Тибқи иттилои роҳбарияти «Қурғонтеппагаз» акнун аҳолии шаҳр барои ҳар метри кубӣ газ 458 сомонӣ маблағ пардохт менамоянд.    Бояд зикр намуд, ки «Қурғонтеппагаз» барои интиқоли ҳазор метри кубӣ гази табиӣ ба корхонаи «Тоҷикнефтгаз ва ангишт» 41 сомонӣ пардохт менамояд.