БО БУНЁДИ РОҲҲО ИҚТИСОДИЁТИ ҶТ ПЕШ МЕРАВАД

    Душанбе, 25 январ. ( АМИТ «Ховар», Сангзода Муслиҳиддин).-Бино ба гуфти директори Муассисаи давлатии «Маркази татбиқи лоиҳаи таҷдиди роҳи нақлиётгарди Душанбе-Қулма Қодир Саидов татбиқи лоиҳаи нақлиётгарди Душанбе-Кулма, қитъаи Душанбе-Данғара яке аз муҳимтарин лоиҳаҳо барои иқтисодиёти ҶТ ба ҳисоб меравад.     Мавсуф зикр намуд, ки ин шоҳроҳи байналмиллалӣ буда, дар ҷануб вилояти Хатлонро бо вилояти Бадахшони Кӯҳӣ ва баъдан бо шоҳроҳи Кароқуми Ҷумҳурии Халқии Хитой мепайвандад.    Роҳи автомобилгарди Душанбе-Қулма, қитъаи Душанбе-Данғара ба ду марҳила ҷудо шудааст, ки ҳоло корҳои сохтмонӣ дар ҳар ду марҳила босуръат идома доранд.   Дар охир Қодир Саидов гуфт, ки мақсад аз татбиқи лоиҳаи мазкур мусоидат намудан ба рушду нумӯи иҷтимоӣ ва иқтисодии ҶТ дар қисматҳои ҷанубу ғарбии кишвар ҷиҳати таҷдид ва барқарор намудани роҳи нақлиётгарди Душанбе-Қулма ва қитъаи Душанбе-Данғара ва дигар иншоти ёрирасон мебошад.