БОЙГОНӢ-ГАНҶИНАИ БЕБАҲО

   Ҳисор, 18 январ. (АМИТ «Ховар», Ҳотам Рабиев).- «Маҳфузгарони таърих»-чунин ном дорад китоби Шаҳло Неъматова ва Муҳибулло Асроров, ки ба давраҳои ташкилшавӣ ва такмили бойгониҳо дар минтақаи Ҳисор ва таърихи ин водӣ аз солҳои 20-уми асри гузашта то ба ин дам бахшида шудааст ва дар бобати бойгонишиносӣ, омӯзиши таърихи диёр аҳамияти калонро доро буда ҳадяи хубест ба 20-умин солгарди Истиқлолияти давлатии ҷумҳурӣ, ҳамчунин 80-солагии ташкилёбии Бойгонии давлатии Тоҷикистон.    Дар китоб дар асоси ҳуҷҷатҳои таърихӣ ба таври муфассал ташаккулёбии хоҷагиҳо, ҷамоатҳо ва ноҳияҳои Ҳисору Шаҳринав ва Турсунзода дарҷ ёфтааст.    Китоби мазкур бо теъдоди 500 нусха дар муассисаи нашриявии «Ирфон» нашр гардидааст.