БОЗ ШАШ БАНКОМАТ ДАР ХИЗМАТИ МИЗОҶОН

   Душанбе, 14 январ. (АМИТ «Ховар», Покиза Маҳмадбекова). – Бо мақсади беҳтар намудани вазъи хизматрасонӣ тавассути кортҳои пулӣ дар ҷумҳурӣ ҶСК «Тоҷиксодиротбонк» шумораи банкоматҳоро зиёд менамояд.    Тавре ба хабарнигори АМИТ «Ховар» намояндаи маркази матбуоти «Тоҷиксодиротбонк» Қурбоналӣ Восиев хабар дод: «аз ҷониби бонки мо боз шаш банкомати нав дар кӯчаҳои шаҳри Душанбе ҷойгир гардид, ки онҳо ба мизоҷон шабонарӯзӣ хизмат менамоянд». Ҳамчунин, роҳбарияти бонк ният дорад, ки дар рӯзҳои наздик боз 11 банкомати дигарро насб намояд.      Зикр кардан бамаврид аст, ки то ин муддат «Тоҷиксодиротбонк» дар вилояти Суғд 5 банкомат, дар вилояти Хатлон 5 ва дар ВМКБ ду банкомат ҷойгир намудааст.     «Мо ният дорем, ки то охири соли 2011 тамоми шаҳру вилоятҳоро бо банкоматҳои худ таъмин намоем»,- илова кард Қ. Восиев.