БОЗДОШТИ ТОҶИРИ САНГҲОИ ҚИММАТБАҲО

   Душанбе, 26 январ. (АМИТ «Ховар», Анварбек Сиддиқов).- Кормандони шӯъбаи корҳои дохилии ноҳияи Шоҳмансури пойтахт 25 январ дар натиҷаи гузаронидани амалиёти махсус истиқоматкунандаи кӯчаи Борбад, хонаи 8, ҳуҷраи 29 Маҳмаднабӣ Ниёзмаҳмадовро бо гумони хариду фурўши ғайриқонунии сангҳои қимматбаҳо дастгир карданд.     Тавре аз маркази матбуоти ВКД-и Ҷумҳурии Тоҷикистон ба АМИТ «Ховар» иттилоъ доданд, ҳангоми кофтукови шахсӣ аз М. Ниёзмаҳмадов 19 адад сангҳои табиии қимматбаҳо гирифта шуд, ки мувофиқи маълумотномаи нозироти давлатии назди Вазорати молияи ҷумҳурӣ 28,5 грамми он санги табиии «Ёқут» буда, арзишашон 6750 сомониро ташкил медиҳад.