ДАР ЛОЙБОЗИАНД ҶАВОНОНИ МО ҲАНӮЗ

   Душанбе, 22 январ.(АМИТ «Ховар», Марзия Саидова).- «Риш мондан худ тарзи хос, зебоӣ ва нигоҳубинро мехоҳад»,- гуфт Раиси Кумита оид ба корҳои дини назди Ҳукумати Ҷумҳурии Тоҷикистон Абдураҳим Холиқов дар нишасти матбуотӣ дар Душанбе. Мавсуф афзуд, ки дар ин масъала таҷрибаи Туркия мисоли барҷаста шуда метавонад. Ин кишвар, ки дорои 85 ҳазор масҷид аст, ба ин масъала аз дидгоҳи равандҳои ҷомеаи дунявӣ муносибат менамояд. Моҳиятан Туркия дар назару ақидаи мазҳабӣ ва сохтори давлатдорӣ ба ҷомеаи Тоҷикистон наздикӣ дорад.  Агар мо хоҳем Ислом ва арзишҳои онро, ки хеле олианд, дар рӯзгори худ ба таври воқеӣ инъикос намоем, пас бояд аз кӯркӯрона рафтор намудан канора ҷӯем, қаблан ботин ва маънавиёти худро бо гуфтори нек, рафтори нек ва кирдори нек ғанӣ гардонем. Метавон бо таъмини рӯзгори осоишта, ҳамдилию ҳамдигарфаҳмӣ, қадр кардани занону модарон, тарбияи дурусти фарзандон, ки рисолати ҳар фарди мусулмон ва аз арзишҳои бузург дар Ислом ба шумор меравад, дини мубини исломро хубтар муаррифӣ созем.