ДАСТОВАРДҲОИ ПОЙТАХТ ДАР СОЛИ 2010 НАЗАРРАС БУДААСТ
Душанбе, 17 январ.АМИТ «Ховар», Марзия Саидова). Рушди иқтисодию иҷтимоии пойтахт дар ҷаласаи ҷамъбастии шаҳрдорӣ, ки дар ҳузури Раиси шаҳри Душанбе Маҳмадсаид Убайдуллоев бо иштироки фаъолон ва намояндагони институтҳои шаҳрвандии шаҳр ва воситаҳои ахбори омма баргузор гардид, баррасӣ шуд. Зикр гардид, ки Мақомоти иҷроияи маҳаллии ҳокимияти давлатӣ дар шаҳри Душанбе фаъолияти худро дар соли 2010 ҷиҳати татбиқи барномаҳои рушди иқтисодию иҷтимоии шаҳр, ки ба густариши ислоҳот дар соҳаҳои хоҷагии шаҳр ва инфраструктураи он, рушди соҳибкорӣ, ҷалби сармоягузории дохиливу хориҷӣ нигаронида шуда буданд, равона намудааст. Дар соли 2010 маҳсулоти умумии минтақавии пойтахт 5201,4 миллион сомониро ташкил дода, ба маблағи 209, 8 миллион сомонӣ молҳои истеъмолии халқ истеҳсол шудааст. Тибқи нишондодҳои оморӣ ҳаҷми умумии даромади шаҳр дар 11 моҳи соли 2010 817,1 миллон сомониро ташкил дод. Инчунин, дар 11 моҳи соли 2010 буҷаи шаҳр 535, 9 миллион сомонӣ ё 116,9 % иҷро гардидаст. Тибқи иттилои котиби матбуотии Раиси шаҳр дар ҷаласа муовини аввали Савазири ҷумҳурӣ Асадулло Ғуломов ва раиси ШСХК «Барқи Тоҷик» Абдулло Ёров ширкат доштанд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






