ДМТ БА СИСТЕМАИ КРЕДИТӢ МЕГУЗАРАД

   Душанбе, 25 январ. (АМИТ «Ховар», Дилшодаи Ҷонмард).- Дар Донишгоҳи миллии Тоҷикистон то имрӯз ҷараёни таълим дар миёни 69 ихтисоси роиҷи донишгоҳӣ аз рӯи 40 ихтисос, дар маҷмӯъ дар 74 гурӯҳи академӣ таҳсили 2011 нафар донишҷӯ бо истифода аз низоми кредитӣ амалӣ гашта истодааст. Дар ин бора ректори ДМТ Нуриддин Саидов дар сӯҳбат бо мухбири АМИТ «Ховар» иттилоъ дод.     Ӯ гуфт, ки шурӯъ аз оғози соли таҳсили 2010-2011 тамоми ихтисосҳои факултетҳои механикаю математика, физика, химия, геология, биология, фалсафа, забон ва адабиёти рус, ихтисосҳои навтаъсиси идораи давлатӣ ва ҳуқуқ, бостоншиносӣ аз рӯи низоми таҳсилоти кредитӣ ба тадрис фаро гирифта шудаанд.    Роҷеъ ба равобити хориҷӣ ва байналмилалии донишгоҳ Н. Саидов афзуд, ки Донишгоҳи миллии Тоҷикистон бо 100 донишгоҳи хориҷи кишвар созишномаи ҳамкорӣ ба имзо расонидааст.