ДОДРАСИ МАРДУМ

     Душанбе, 20 январ.(АМИТ «Ховар», Марзия Саидова).-Беш аз 1600 шаҳрванд дар соли 2010 бо дархостҳои гуногун ба унвонии Раиси шаҳри Душанбе Маҳмадсаид Убайдуллоев муроҷиат кардаанд ва аз ҷониби шаҳрдорӣ муроҷиати шаҳрвандон баррасӣ гардидааст. Ин матлаб 20 январ дар нишасти матбуотӣ, ки бо ҳузури роҳбарони масъули сохторҳои гуногуни шаҳрдорӣ ва васоити ахбори омма баргузор шуд, зикр гардид.       Беш аз 1000 нафар сокинони пойтахт муроҷиатҳои худро тавассути почтаи электронии Раиси шаҳр- dushanbe80@yahoo.com фиристодаанд. 55 % муроҷиатҳои шаҳрвандонро дархости манзил ва қитъаи замин ташкил медодааст.