ДОНИШҶӮЁН СОҲИБИ ЛИБОСИ ЯГОНА МЕГАРДАНД?

   Душанбе, 10 январ. ( АМИТ «Ховар», Сангзода Муслиҳиддин) .- Имрӯзҳо дар ҳамаи ташкилоту муассисаҳо пиромуни лоиҳаи Қонун «Дар бораи масъулияти падару модар дар таълиму тарбияи фарзанд» баҳсу мунозираҳо идома дорад. Тавре мушоҳидаҳо нишон медиҳанд, муҳокимаҳо аз ҳамдигар фарқ доранд. Чанд рӯз аст, ки дар Донишгоҳи миллии Тоҷикистон баррасии қонуни мазкур сурат мегирад ва устодону кормандони донишгоҳ як қатор пешниҳоду таклифҳои худро барои пурра намудани ин қонун баён менамоянд. Аз ҷумла гуфта шуд, ки бояд дар лоиҳа масъалаи ҳатмӣ будани либоси ягона барои донишҷӯён ворид шавад ва волидайн муваззаф шаванд, ки барои фарзандони худ ин гуна либосҳоро муҳайё намоянд.    Бино ба гуфти ректори ДМТ Нуриддин Саидов инсон дар ҳар марҳилаи умр ба таълиму тарбия ниёз дорад ва маҳз маҳсули тарбия аст, ки одамӣ аз дигар махлуқот тафовут дорад.