ЭНСИКЛОПЕДИЯИ ҶАШНҲО

    Душанбе, 25 январ. (АМИТ «Ховар», Марзия Саидова).-«Бахшида ба ифтихори 20-умин солгарди ҷашни Истиқлолияти давлатии Ҷумҳурии Тоҷикистон ва 15-солагии таъсисёбии Донишкадаи иқтисодии Тоҷикистон энсиклопедияи Донишкадаи иқтисодии Тоҷикистон нашр мегардад», гуфт ба ҷамъи хабарнигорон Ректори донишкадаи мазкур Нозимҷон Нидоев.    Интизор меравад, ки дар энсиклопедия тамоми паҳлӯҳои фаъолияти ин даргоҳи илму маърифат, дастоварду комёбиҳои он дар тӯли 15-соли фаъолият гирд оварда мешавад.   Нозимҷон Нидоев афзуд, ки Донишкадаи иқтисодии Тоҷикистон яке аз муассисаҳои олии мамлакат буда, дар омода намудани мутахассиони баландихтисос мақоми шоиста касб кардааст. Дастпарварони донишкада дар тамоми мақомоту сохторҳои давлатию хусусӣ фаъолият доранд. Алҳол дар донишкада беш аз 5 ҳазор донишҷӯён дар шӯъбаҳои рӯзона ва ғоибона ба таҳсил фаро гирифта шудаанд. Дар 4 факултаи донишкада аз рӯи 22 ихтисос мутахассис тайёр мешавад.