ФАРҲАНГИ РӮЗНОМАФУРӮШИРО БОЯД ОМӮХТ
Душанбе, 26 январ.(АМИТ «Ховар», Марзия Саидова).-Имрӯзҳо аз ҷониби кормандони шӯъбаҳои корҳои дохилии ноҳияҳои пойтахт чорабиниҳо барои ба низом даровардани савдои кӯчагӣ идома доранд. Шавкат Саидов- сухангӯи Раиси шаҳри Душанбе ба АМИТ «Ховар» иттилоъ дод, ки ин тадбир амалест, ки масъулин ҷиҳати иҷрои вазифаҳои таъинотӣ тибқи талаботи қарорҳои марбутаи дар ин самт ба тасвибрасидаи Раиси шаҳри Душанбе ба иҷро мерасонанд. Мавсуф афзуд, ки дилхоҳ фаъолияти соҳибкорӣ дар марзи маъмурии шаҳр дар доираи муқаррароти қонунгузорӣ бо риояи меъёрҳои санитариву бехатарӣ роҳандозӣ мегардад ва амали хилофи он пазируфта нахоҳад шуд. Алҳол, аз ҷониби шаҳрдорӣ дар тамоми 7 гузаргоҳи зеризаминӣ, мағозаи ихтисосии «Олами интишорот», дар таҳхона ва ошёнаи якуми Маҷмааи манзилии «Пойтахт 80», 23 мағозаи китобфурӯшӣ ва дигар марказҳои савдою супермаркетҳо нуқтаҳои махсус барои савдои рӯзномаву маҷаллаҳои даврӣ тахассус дода шудаанд. Муассисони рӯзномаҳо имкон доранд дар ҳамкорӣ бо соҳибмулкони иншооти зикргардида фурӯши доимии рӯзномаҳояшонро таъмин созанд. Инчунин, шаҳрдорӣ барои фаъолияти паҳнкунандагони рӯзномаҳо дар нақлиёти мусофиркашонии ҷамъиятӣ ва кӯчаву хиёбонҳои шаҳр бидуни дар рӯи замин фурӯхтани рӯзномаҳо иҷозат дода, ҳамзамон муваззаф намудааст, ки паҳнкунандагон фаъолияти мазкурро танҳо бо риояи тартиботи ҷамъиятӣ ва қоидаҳои санитарӣ амалӣ намоянд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






