ХИЗМАТЧИЁНИ ДАВЛАТӢ НАФАҚАИ МАЪЮБӢ МЕГИРАНД

   Душанбе, 17 январ. (АМИТ «Ховар», Мавҷуда Анварӣ).-Дар ҷаласаи васеи Ҳукумати Ҷумҳурии Тоҷикистон сарвари давлат Эмомалӣ Раҳмон аз он изҳори нигаронӣ кард, ки дар вазорати молия 56 нафар ва дар вазорати меҳнат ва ҳифзи иҷтимоии ҶТ 54 нафар хизматчиёни давлатӣ нафақаи маъюбӣ мегиранд.   Мутобиқи баъзе маълумот ин нафақахӯрон ғайриқонунӣ ҳуҷҷат тартиб дода, бо истифода аз мавқеи ишғолкардаи худ нафақаи калонҳаҷм мегиранд.   Сарвари давлат ба сохторҳои марбута дастур дод, ки дар мӯҳлати кӯтоҳтарин ин масъаларо ҳамаҷониба омӯхта, ба Ҳукумати ҶТ пешниҳод намоянд.