ИҶРОЧИИ СУДРО ЗИНДОНӢ КАРДАНД

Январь 20, 2011 11:38

    Душанбе, 20 январ. (АМИТ «Ховар», Бекназари Абӯбакр). – «Дар давоми соли 2010 нисбат ба ду нафар иҷрочиён парвандаи ҷиноӣ боз шуда, аз мақомоти адлия хориҷ шуданд», — тазаккур дод зимни нишасти матбуотӣ 20 январи соли ҷорӣ вазири адлияи кишвар Бахтиёр Худоёров.     Вазир илова намуд, ки як нафар иҷрочии суди ноҳияи Истаравшан барои содир кардани амалҳои характери коррупсионидошта ба мӯҳлати 2 сол аз озодӣ маҳрум гашт ва як нафар иҷрочии суди ноҳияи Шаҳритӯс бинобар сабаби ба садамаи нақлиётӣ дучор шудан нисбат ба ӯ парванда боз шуда, тафтиши парвандааш идома дорад.    Вазири адлия аз саривақт баррасӣ нашудани баъзе варақаҳои иҷрои аз ҷониби иҷрочиёни судҳо ворид гардида изҳори нигаронӣ карда афзуд, ки дар давраи ҳисоботӣ ба истеҳсолоти иҷрочиёни судҳо 31 ҳазору 782 варақаи иҷро ворид гардида, 22 ҳазору 941-тои он таъмин шуданд. «Дар иҷро нашудани баъзе варақаҳо гуноҳи иҷрочиёни судҳо ҳам ҳаст, ки иҷрои корро кашол дода, ба беэътиноӣ роҳ медиҳанд. Дар давоми соли 2010 нисбат ба 21 нафар кормандони соҳа бинобар сабаби беэътиноияшон нисбат ба иҷрои варақаҳои воридгардида муҷозоти интизомӣ таъин гардид», — тазаккур дод Б. Худоёров.     Мавриди зикр аст, ки дар соли 2010 Вазорати адлия ва раёсатҳои он дар вилоятҳо 248 ташкилоти ҷамъиятӣ ва 11 ҳазору 704 шартномаҳои гаравро ба қайди давлатӣ гирифтанд, ки нисбат ба ҳамин давраи соли гузашта 1 ҳазору 385 адад зиёд мебошад. 

Январь 20, 2011 11:38

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд