ИҶРОИ НАҚШАИ АНДОЗ- 118%
Душанбе, 22 январ. (АМИТ «Ховар», Дилшодаи Ҷонмард).- «Дар соли 2010 нақшаи воридоти андозҳо ва дигар пардохтҳои ҳатмӣ ба андозаи 111,8% таъмин гардид ва ба ҷойи 2 643 млн. сомонии пешбинишуда ба буҷет (бо назардошти андози иҷтимоии ғайрибуҷетӣ) 2 955 млн. сомонӣ ворид шуд, ки нисбат ба нақшаи тасдиқшуда 312 млн. сомонӣ зиёд аст», — иброз дошт ба хабарнигорон зимни нишасти матбуотӣ раиси Кумитаи андози назди Ҳукумати Ҷумҳурии Тоҷикистон Нусратулло Давлатов. Мавсуф афзуд, ки воридоти маблағҳо дар соли 2010 нисбат ба маблағҳои дар соли 2009 воқеан ҷамъоварӣ гардида ба андозаи 676 млн. сомонӣ ё худ 30% зиёд мебошад ва вазни қиёсии воридоти андозҳои дохила дар соли 2010 нисбат ба маҷмӯи маҳсулоти дохила 12 фоизро ташкил намуда, нисбат ба соли 2009 ба андозаи 0,9 фоиз зиёд гардидааст. Нақшаи андози иҷтимоӣ аз ҳисоби ташкилотҳои ғайрибуҷетӣ ба андозаи 105% таъмин гардида, ба буҷет 567 млн. сомонӣ ворид шуд, ки нисбат ба нақша 27 млн. сомонӣ зиёд аст.Иҷрои нақшаи воридоти андозҳо ва пардохтҳо дар соли 2010 дар ҳамаи минтақаҳои ҷумҳурӣ таъмин шуд. Кормандони Кумитаи андози назди Ҳукумати Ҷумҳурии Тоҷикистон кўшиш ба харҷ медиҳанд, ки нишондиҳандаҳои Қонуни Ҷумҳурии Тоҷикистон «Дар бораи буҷети давлатии Ҷумҳурии Тоҷикистон барои соли 2010»-ро барзиёд иҷро намоянд, раванди маъмурикунонии андозро содда гардонанд, қонунгузории андозро такмил диҳанд, дар партави дастурҳои Сарвари давлат корҳои тавзеҳотӣ ва фаҳмондадиҳиро тақвият бахшанд, самаранокии фаъолияти соҳаро афзун намоянд,- гуфт дар охир Н. Давлатов.
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
