ИРСОЛИ 31 ПАРВАНДАИ МАЪМУРӢ БА СУД БАРОИ РИОЯ НАКАРДАНИ ЗАБОНИ МОДАРӢ
Душанбе, 25 январ. (АМИТ «Ховар», Дилшодаи Ҷонмард). –Ба иттилои Раиси Кумитаи забон ва истилоҳоти ҷумҳурӣ Додихудо Саймуддинов зимни нишасти матбуотӣ ташкили коргузорӣ ба забони давлатӣ, фароҳам овардани шароит ҷиҳати омӯзиши забони давлатӣ барои кормандани ташкилоту муассисаҳо, ислоҳи лавҳаю овезаҳо ва навиштаҷоти ғайритоҷикӣ дар мағозаю тарабхона ва нуқтаҳои савдо аз ҷониби Кумитаи забон ва истилоҳоти назди ҲҶТ мутобиқи нақша дар ду давр силсилаи санҷишҳо анҷом дода шуд. Ӯ яке аз омилҳои таҳияи ғалати матни лавҳаю овезаҳо, навиштаҷоти мағозаю тарабхонаҳо ва марказҳои савдоро ба таври пурра танзим нагардидани фаъолияти Агентиҳои реклама ҷиҳати риояи талаботи Қонуни Ҷумҳурии Тоҷикистон «Дар бораи забони давлатӣ» арзёбӣ намуд. Дар натиҷаи тафтиши гурӯҳҳои кории Кумита танҳо дар чор ноҳияи пойтахт номи 174 нуқтаи савдо ва марказҳои хизматрасонӣ мутобиқ ба талаботи Қонуни Ҷумҳурии Тоҷикистон «Дар бораи забони давлатӣ» иваз карда шуд. Барои риоя накардани талаботи Қонуни мазкур ба 76 нафар шахсони воқеию ҳуқуқӣ огоҳӣ дода шуда, 31 парвандаи ҳуқуқвайронкунии маъмурӣ ба мақомоти судӣ ирсол гардид, тазаккур дод Додихудо Саймуддинов.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






