ИШТИРОКИ МАКТАББАЧАГОН ДАР СПАРТАКИАДА
Душанбе, 31 январ. (АМИТ «Ховар», Бекназари Абӯбакр). — Бо мақсади тарғибу ташвиқи намудҳои мухталифи варзиш миёни мактаббачагон, таҳкими дўстӣ, тарзи ҳаёти солим ва дарёфти варзишгарони умедбахш байни наврасон дар шаҳру ноҳияҳои Чкалов, Табошар, Истаравшан, Бобоҷон Ғафуров ва Ҷаббор Расулов марҳилаи дуввуми Спартакиадаи мактаббачагони вилояти Суғд аз рўи намудҳои тенниси рўи миз, баскетбол, волейбол, шоҳмот ва варзиши сабук баргузор гардид. Мавриди ёдоварист, ки марҳилаи аввали Спартакиада дар 15 шаҳру ноҳияҳои вилоят гузаронида шуда, дар онҳо 7850 нафар мактаббачагон иштирок намуданд. Марҳилаи дуюми Спартакиада дар 12 шаҳру ноҳияҳо гузаронида шуда, дар он 356 нафар мактаббачагон ширкат варзиданд. Аз рўи натиҷаҳои марҳилаи дуюми Спартакиада дастаҳои шаҳру ноҳияҳои Хуҷанд аз рўи 3 намуд, Б.Ғафуров аз рўи 4 намуд, Спитамен аз рўи 2 намуд, Конибодом аз рўи 2 намуд, Ҷ.Расулов аз рўи 3 намуд, Чкалов аз рўи 2 намуд, Табошар аз рўи 4 намуд, Мастчоҳ аз рўи 2 намуд, Истаравшан аз рўи 4 намуд, Ғончӣ аз рўи 1 намуд ва Шаҳристон аз рўи 1 намуд ғолибиятро ба даст оварда, барои иштирок дар қисми ниҳоии Спартакиадаи мактаббачагони вилояти Суғд роҳхат гирифтанд. Аз хадамоти матбуоти раиси вилояти Суғд ба АМИТ «Ховар» хабар доданд, ки имрӯз, 31 январ дар толори варзишии «Ҷашнӣ»-и шаҳри Хуҷанд қисми ниҳоии Спартакиадаи вилоятии мактаббачагони вилояти Суғд баргузор мегардад.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
