КОРГОҲҲОИ КОРКАРДИ МЕВАИ «ТОҶИКМАТЛУБОТ»

    Душанбе, 19 январ. (АМИТ «Ховар», Покиза Маҳмадбекова). – Иттифоқи «Тоҷикматлубот» оид ба баланд бардоштани потенциали содиротии кишвар бо якчанд кишварҳо ва корхонаҳои истеҳсолкунандаи таҷҳизоти хурди истеҳсолу коркарди меваю сабзавот гуфтушунид намуд.       Раиси Иттифоқи «Тоҷикматлубот» Сироҷиддин Валиев дар сӯҳбат бо мухбири АМИТ «Ховар» гуфт, ки: «Чанде қабл мо бо Ҷумҳурии Мардумии Чин оид ба ворид намудани 3 адад таҷҳизоти коркарди мева, 3 адад таҷҳизоти бастабандии меваи хушк ва таҷҳизоти истеҳсолии болопӯши пашмин гуфтушунид доштем. Дар рӯзҳои наздик ин таҷҳизот дастрас шуда, мавриди баҳрабардорӣ қарор хоҳад гирифт».     Роҷеъ ба омодагиҳо ба ҷашни 20-солагии Истиқлолияи давлатии Ҷумҳурии Тоҷикистон С. Валиев гуфт, ки Иттифоқи «Тоҷикматлубот» ҷиҳати сазовор пешвоз гирифтани ин санаи таърихӣ сохтмон ва таъмиру тармими зиёда аз 15 иншоотро ба нақша гирифтааст.