ЛАЁҚАТМАНДҲО ДАР ЧКАЛОВ ЗИЁДАНД

    Чкалов, 25 январ. (АМИТ «Ховар», Мирзоалӣ Амонов). – Аз мактаби президентии воқеъ дар шаҳри Чкалови вилояти Суғд 76 нафар довталабон — хонандагони синфҳои 9, 10 ва 11 дар 11 фан бо ҳамсолони худ аз мактабҳои президентии минтақаҳои дигари мамлакат қувваозмоӣ намуданд.     Дар даври сеюми минтақавии олимпиадаи хонандагон, ки 2 рӯз идома ёфт, масъулини Вазорати маорифи ҷумҳурӣ ширкат варзиданд.    Аз рӯи натиҷаҳои олимпиада хонандагони мактаби президентии шаҳри Чкалов дар қатори дигар фанҳо аз фанҳои табиию гуманитарӣ, химияю биология, математика ва физика дониши баланд нишон доданд.   Ҳайати ҳакамон, ки шомили профессорону муаллимони Донишгоҳи давлатии Хуҷанд аст, ба он ақидаанд, ки миёни иштирокдорони олимпиада хонандагони болаёқате ҳастанд, ки метавонанд дар олимпиадаҳои минтақавию байналхалқӣ бо ҳамсолони хориҷии худ бо донишу маҳорати хуб рақобат намоянд.