МАРҲИЛАИ ПАҲНКУНИИ МАЪЛУМОТ ОҒОЗ ЁФТ

    Душанбе, 14 январ. (АМИТ «Ховар», Лаззат Диловарзод).- Бино ба гуфти директори Агентии омори назди Президенти ҶТ Бахтия Муҳаммадиева, ҷараёни қабули маводи барўйхатгирии аҳолӣ ва фонди манзил аз мақомоти маҳаллии омор дар кишвар ҷараён дошта, коркарди сканерии маълумот оғоз гардидааст, ки он марҳилаи сеюми ин чорабинии муҳими давлатиро (аз октябр – декабри соли 2010 то семоҳаи аввали соли 2013) дар бар мегирад. Ҳоло коркарди сканерии маълумоти ба даст омада оғоз гардидааст ва то имрўз маводи барўйхатгирии аҳолии ноҳияҳои Рашт, Роғун, Тавилдара, Нуробод, Тоҷикобод ва Турсунзода аз ҷараёни сканеркунонӣ пурра гузаронида шудаанд.    Ба гуфти Б. Муҳаммадиева, давраи коркарди маводи барўйхатгирии аҳолӣ ва фонди манзил аз 6 навбат иборат мебошад. Нашри ҷамъбасти аввалини барўйхатгирии аҳолӣ ва фонди манзил дар моҳҳои апрел – майи соли 2011 ба нақша гирифта шудаааст. Ҷамъбасти хотимавии барўйхатгирии аҳолӣ ва фонди манзил марҳила ба марҳила то семоҳаи якуми соли 2013 идома меёбад.