МАСЪУЛИЯТИ ВОЛИДАЙНРО ҶАВОНОН МУАЙЯН МЕКУНАНД
Душанбе, 14 январ. (АМИТ «Ховар», Бекназари Абӯбакр). — Дар бахши кор бо ҷавонон, варзиш ва сайёҳии мақомоти иҷроияи ҳокимияти давлатии шаҳри Хуҷанд намояндагони ҷавонони шаҳр ҷамъомад гузаронида, дар атрофи лоиҳаи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» андешаронӣ карданд. Мудири бахши кор бо ҷавонон, варзиш ва сайёҳӣ Бахтиёр Исматҷонов, мудири шӯъбаи масоили иҷтимоӣ-фарҳангӣ ва робита бо иттиҳодияҳои ҷамъиятиву сиёсии дастгоҳи раиси шаҳр Абдурауф Дадобоев, узви Иттифоқи нависандагони Тоҷикистон Мирзоғанӣ Валиев оид ба моҳияти нуктаҳои ин ҳуҷҷати муҳими дорои аҳамияти иҷтимоӣ ва тарбиявӣ сухан гуфтанд. Тавре сайти расмии мақомоти иҷроияи ҳокимияти давлатии шаҳри Хуҷанд хабар медиҳад, лоиҳаи Қонуни мазкур аз тарафи иштироккунандагон комилан дастгирӣ гардида, якчанд таклифу пешниҳод иброз шуданд. Аз ҷумла, донишҷӯи бахши якуми Донишгоҳи давлатии ҳуқуқ, бизнес ва сиёсати Тоҷикистон Дилшод Бобоев ба моддаи 3-и Қонун илова намудани калимаи “мавсимӣ”-ро пешниҳод намуд. Аз тарафи сарвари Муассисаи давлатии “Мактаби варзишии бачагону наврасони № 1” Хуршед Ҳомидов пешниҳод гардид, ки дар моддаи 12-и лоиҳаи Қонун ба ҷавобгарӣ кашидани падару модароне, ки ӯҳдадориҳои пешбининамудаи ҳамин қонунро амалӣ намекунанд, мушаххас баён шавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






