МУЛОҚОТИ САФИРИ ТОҶИКИСТОН БО ВАО-И ПОКИСТОН
Душанбе, 18 январ. (АМИТ «Ховар», Пайрав Назаров). – Дар сафорати Ҷумҳурии Тоҷикистон дар Ҷумҳурии Исломии Покистон нишасти матбуотӣ оид ба ҷамъбасти фаъолияти намояндагии дипломатӣ дар соли 2010 ва муайян намудани самти асосии ҳамкориҳои Тоҷикистону Покистон барои соли 2011 баргузор гардид. Дар нишасти матбуотӣ, ки дар кори он зиёда аз 40 намояндаи ВАО-и давлатӣ ва хусусии кишвар иштирок дошт, сафири фавқулодда ва мухтори Ҷумҳурии Тоҷикистон дар Ҷумҳурии Исломии Покистон Зубайдулло Зубайдов суханронӣ намуд. Сафир зикр намуд, ки тайи солҳои охир кӯшиши ҳар ду ҷониб барои наздиктар шудан ва ба даст овардани муносибатҳои манфиатовар боз ҳам бештар гардид. Таъкид гардид, ки соли гузашта гуфтушуниди дуҷониба дар сатҳи баланд доир гардид, ки дар он аъзои ҳукуматҳо ва дигар шахсони расмии Покистон дар чорабиниҳои байналмилалие, ки дар Душанбе баргузор гардиданд, иштирок намуданд. Сафир баъдан ба таваҷҷӯҳи иштирокдорон дурнамои муносибатҳои дуҷониба ва самтҳои густариши онҳоро расонид. Дар ин бора ба хабарнигори АМИТ «Ховар» аз департаменти иттилоотии ВКХ ҶТ хабар доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






