МУНОҚИШАЕ, КИ БА КУШТОР ОВАРДА РАСОНД

        Душанбе, 31 январ. (АМИТ «Ховар», Анварбек Сиддиқов). — 30 январи соли ҷорӣ кормандони шӯъбаи корҳои дохилии ноҳияи Сино ҳангоми гузаронидани амалиёти фаврӣ- ҷустуҷӯӣ истиқоматкунандаи кӯчаи Маяковский, хонаи 15 ҳуҷраи 11 Соитхоним Мирмамедоваро, ки пештар  бо моддаи 118-и  Кодекси ҷиноии Ҷумҳурии Тоҷикистон суд шудааст,  дастгир намуданд.             Тавре аз маркази матбуоти ВКД-и Ҷумҳурии Тоҷикистон ба АМИТ «Ховар» иттилоъ доданд, номбурда 29 январ соати 21.00 дар ошхонаи хонаи истиқоматиаш дар ҳолати мастӣ  зимни  муноқишаи ба миён омада бо шаҳрванд  Равшан Шердабоев бо корди ошхона се маротиба ба қафаси сина ва як маротиба ба шиками ӯ мезанад.  Дар натиҷа Р. Шердабоев ҷароҳати вазнини ҷисмонӣ бардошта, дар ҷойи ҳодиса ба ҳалокат мерасад.               Оид ба ин ҳодиса парвандаи ҷиноӣ огоз  шуда, тафтиш идома дорад.