МУСОДИРАИ МАВОДИ НАШЪАДОР ДАР ХАТЛОН

    Душанбе, 12 январ. (АМИТ «Ховар», Анварбек Сиддиқов).- Дар ҳудуди шаҳри Кӯлоби вилояти Хатлон 5 килограмму 105 грамм маводи нашъаовар ёфт ва мусодира гардид.      Тавре аз маркази матбуоти ВКД Ҷумҳурии Тоҷикистон ба АМИТ «Ховар» хабар доданд, кормандони шӯъбаи корҳои дохилии шаҳри Кӯлоб дар натиҷаи гузаронидани амалиёти фаврӣ- ҷустуҷӯӣ дар ҳудуди ҷамоати деҳоти Зарбдор, истиқоматкунандаи деҳаи Зарбдори ҳамин ҷамоат Сайнуриддин Юнусовро дастгир намуданд.    Ҳангоми азназаргузаронии хонаи истиқоматии номбурда аз дохили як халтаи полиэтиленӣ 3 килограмму 65 граммм ҳашиш ва 2 килограмму 40 грамм бангдона ёфт ва мусодира шуд.    Оид ба ин ҳодиса парвандаи ҷиноӣ оғоз шуда, тафтиш идома дорад.