НАРХИ ҒАЛЛАИ ВОРИДОТӢ БОЛО РАФТ

   Душанбе, 28 январ. (АМИТ «Ховар», Лаззат Диловарзод).- Ҳафтаи равон нархи ғалла ва орди ба ҶТ воридшуда барои 1 тонна мутаносибан 60 – 70 доллари амрикої боло рафт.  Бино ба гуфти директори Корхонаи воҳиди давлатии «Ғалла» Тағоймурод Шарипов ҳафтаи гузашта дар истгоҳи Сари Агаши Ҷумҳурии Қазоқистон нархи фурӯши 1 тонна ғаллаи навъи се (3) 354 ва қимати 1 тонна орди навъи 1 -ум 416 доллари амрикоиро ташкил дод, ки ин нисбат ба моҳи декабри соли 2010 мутаносибан 8 – 10 доллар зиёд аст.    Ба иттилои ҳамин манбаъ, нархи 1 тонна орду ғаллаи то ба истгоҳи «Душанбе – 1» воридшуда боз 60 – 70 доллари амрикої зиёд мешавад. Аз ин рӯ, имрӯз дар бозорҳои шаҳри Душанбе нархи як халта орди 50 килограмма бо сабаби боло рафтани нархи ғалла дар хориҷи кишвар ба 120 сомонї расидааст. Мутахассисон боло рафтани нархи ордро ба хушксолии соли 2010 дар мамлакатҳои истеҳсолкунандаи ин навъи маводи ғизої вобаста медонанд.