НАШРИ «МАҶМЎАИ ҚОНУНҲО «ДАР БОРАИ АВФ»

   Душанбе, 12 январ. (АМИТ «Ховар», Лаззат Диловарзод).- Дар Ҷумҳурии Тоҷикистон бори аввал баҳри мусоидат оид ба татбиқи дурусти санадҳои авф «Маҷмўаи қонунҳои Ҷумҳурии Тоҷикистон «Дар бораи авф», ки тӯли солҳои 1993 – 2010 қабул гардидаанд, инчунин, «Намунаҳои қарорҳои судӣ марбут ба парвандаҳои ҷиноятӣ» нашр гардид.   Маҷмўаи номбурда аз ҷониби Шўрои адлия мураттаб гардида, барои истифодаи тамоми судҳои шаҳру навоҳии ҷумҳурӣ нигаронида шудааст.   Боис ба ёдоварист, ки айни замон дар тамоми шаҳру навоҳии ҷумҳурӣ 182 нафар судяҳо кору фаъолият доранд.